好靚嘅風景！
尖削釣魚翁係「香港三尖」之一，雖然部份路徑地勢陡峭，但沿途一邊行一邊可以飽覽海景，而且景色真係非常怡人！碧山藍海互相交替，山徑高低起伏，每一段路都充滿驚喜！不過要注意，釣魚翁攻頂一定要衡量個人能力，沿山腰行一樣有好風景啊！
▲五塊田山徑入口顯而易見，只要係鑽石山或彩虹邨搭 91 號九巴，，於五塊田站下車，然後沿階梯直上，便會進入釣魚翁郊遊徑。
▲行一陣已經望見美麗景色，再行一陣海景就更吸引！
▲登頂後更見到美麗的海灣。
▲上山途中，景色又會轉為清水灣半島， 左手邊是將軍澳仍在使用的堆填區，右手邊則是美麗的清水灣。
▲上到山頂，聚集不少三五成群既打卡同休息人士，佢地同一個位都影成5分鐘，小編實在無法等到人群離開先影相，又要趕落去食Tea喇！
▲另一邊景色就係日出康城等將軍澳住宅！
▲落到田下山，呢邊全景景色都非常養眼！
▲天朗氣清既日子從清水灣郊野公園田下山南脊眺望布袋澳
，清晰可見布袋澳獨特既海岸線，布袋澳三面環山，北西出海口較窄，就好似布袋一樣，係個天然避風港口。
▲呢個就係山徑出口，行多一公里就可以到布袋澳大廟搭車走人喇！
原文及地址詳情: http://hkppltravel.com/?p=49436
文字來源／圖片來源：香港人.遊香港
-------------------------------------------------------------
相關文章：
文章標籤
全站熱搜
留言列表
