香港人.遊香港

呢間旺角新開cafe以日本直送時令水果配梳乎厘班戟為主打，一入門口就見到各嘅款日本時令水果同埋精品，佢哋嘅梳乎厘班戟質感鬆軟，咬下去時滿口濃郁蛋香，賣相亦到唔錯，配上牛奶雪糕，非常心動，當然唔可以錯過係時令水果啦！青甜嘅青森縣蜜瓜，濃厚清甜又多汁，正！鹹食方面招牌北海道豚肉腸咖喱蛋包飯，爆汁嘅芝士豚肉腸配上同樣係日本直送嘅咖哩汁，好惹味！蛋亦整得好嫩滑，清碟無難度！

最近尖沙咀開咗間主打港式奶茶嘅茶飲店，店主跟足統正宗以茶壺撞茶，而且仲獨家拼配四種斯里蘭卡紅茶，人手撞茶撞走草青味，撞入淡奶後更加令奶茶呈兀現金黃色，締造出香滑厚濃嘅層次感，味道回甘，一齊支持吓港產奶茶啦！

細細個既茶樓出現菲林卷又重出江湖！一層層卷成菲林形狀，未入口都勁香黑芝麻味，既煙韌又清甜。另外，小編都好鐘意食呢度既砵仔糕，有白糖、黃糖同黑芝麻選擇，不過黑芝麻口味就唔係度度有，一粒粒大大粒紅豆加埋黑芝麻砵仔糕非常有口感！

尖沙咀有間餐廳最近又再推出宵夜優惠，只要消費任何飲品滿$45，就可以以$2/隻優惠價任叫雞翼，雞翼共4款口味，包括湖南土匪雞、 酪奶炸雞翼式香茅燒雞翼同埋韓式棒棒炸雞翼，重點係可以無限量柯打，佐酒一流，準備好去掃雞翼未？

食肉獸召喚！荃灣呢間餐廳最近就推出咗個期間限定嘅肉類大戰自助餐，有齊黑毛豬同埋和牛任食，價錢都只係300幾蚊，絕對超值，當中有超過十五款都係主廚特別為呢次肉類大戰炮製，必食酥皮黑毛豬、和牛壽司及黑毛豬肉骨茶，回本之作又點少得任食生蠔，生蠔全部都係嚟自法國，新鮮好味！一於去食餐勁！

小編有時去炮台山呢邊工作，臨走都會食埋呢間小店既串燒先搭車返去，有朋友推薦一定要試埋個羊燥飯。淡淡羊油香味撈飯既感覺真係好正，令人食完一啖都想追食！串燒係即叫即燒，蘆荀串燒雞翼係小編最愛，蘆荀既清新完全中和串燒雞翼既油膩感，係好食既！

最近好多日本過江龍班戟開張，日本人氣甜品店 雪ノ下亦都準備係9月開幕，佢哋最出名係 4cm厚嘅超厚班戟同刨冰，用料全部都用上最當造最靚嘅食材，雞蛋用上日本國產三重縣嘅新鮮雞蛋，蛋味勁香濃！

位於尖沙咀嘅壽司名店見城之前係六月底結業，大家都紛紛覺得可惜，最近見城嘅一班高徒決定重組班底，繼承名師衣缽，喺原址重開壽司店，改名為「城八」，餐牌同價錢幾乎一樣，午餐時段嘅自選壽司依然保留了，必點嘅中拖羅同海膽水準依然屬於頂級，大家可以繼續幫襯啦！

邊個話天水圍係美食荒漠？

Shake Shack今年登陸香港後，捲起一陣漢堡包旋風，最近另一間美國漢堡包連鎖店Five Guys就宣佈即將於香港開店，品牌特色係漢堡包可以免費添加配料，主打新鮮即做嘅免治牛肉嘅漢堡，另有熱狗同三文治選擇，官方指佢哋有超過250,000款配搭，所以有唔少Secret Menu，好似前美國總統奧巴馬就點過the Presidential，仲有Burger Bowl、In-N-Out Animal Style等等。

位於元朗嘅車仔麵店位於巴士總站旁，一直有好多街坊同學生幫襯，全因抵食夾大件，廿幾蚊碗雜錦，有齊八個餸，包括豬紅、魚蛋、蘿蔔等等，仲有老闆手製雲吞，真係食到好飽！咁大碗車仔麵，配埋港式口味既珍珠紅豆奶茶冰就勁滿足，連巴士司機叔叔都成日食！

深受台灣人歡迎嘅八月堂主打蜂巢牛角包，切開後呈蜂巢狀，喺台灣人被被稱為「殿堂級牛角包」，材料用上歐洲頂級牛油、日本麵粉同埋ISO認證雞蛋，質素有保證，而且八月堂仲會不時推出期間限定口味，例如三色派對牛角包、黑糖麻糬牛角包及焦糖布丁牛角包等等，最近八月堂香港Facebook專頁宣佈，九月中即將於香港開店！牛角包粉絲唔好錯過啦！

日本平價天婦羅丼飯連鎖店「天丼てんや」早前在官方網頁宣佈2018年內在香港、台灣開分店，香港會以加盟店方式經營，預計今年內開業。天丼てんや於平成元年喺東京築地開立，一直在日本極具人氣，除咗元祖All Star天丼、海老穴子天丼等，仲不時會有限定口味好似海鮮天丼或者雞肉配半熟蛋「華味鳥天丼」，喜歡食天丼嘅朋友有福了！

芒果肉餅飯聽個名好騎呢？就咁睇肉餅煎成金黃外層，肥瘦肉比例剛好，好多網友用中伏心情黎食反而有驚喜，內餡夾中間一層芒果，芒果新鮮果汁豐盈，中和豬肉既肥膩。除左芒果肉餅飯之外，仲有香蕉肉餅飯、榴槤肉餅飯，岩哂鐘意試新野既朋友。

呢間長期排長龍嘅車仔麵店原來已經開業18年，賣嘅係平民小食，落足料落足心機，材料嘅配搭選擇太多，懶得諗嘅可以嗌個大雜燴，老闆娘對食物有堅持，用料亦講究，除左招牌車仔麵外仲有好多特色撈麵，而且全部都係用高級食材例如花膠、鵝肝做汁底或配料，仲會有不定期供應嘅五十五年陳皮天津紅豆沙！不過最近老闆娘話做埋今年就唔做啦，應該會喺2019年正式結業，大家要食就趁早啦！

呢間人氣Pho店係加拿大網上評語極高，最近由幾位由多倫多回流返港嘅店主引入，並選址銅鑼灣開業，招牌牛肉湯河湯底清澈，香而不濁！配料有美國生牛肉片，好嫩滑而且富牛肉香，仲有好彈牙嘅牛丸如同爽脆牛柏葉。另一招牌就係撈檬，大家可以揀豬扒、牛扒或者雞扒，烤肉全部都用香茅腌過，香味十足！

藍田呢間小店主打即叫即整嘅同卷物，而最特別係佢哋嘅流心芝士系列，大廚用上忌廉芝士、車打芝士及水牛乳酪芝士等作配料，食落更加香濃可口。最多人推介就係就係芝C卷，中間有層多到流出黎既芝士夾心，配合爽脆既青瓜絲、新鮮既三文魚，口感極為豐富，另一招牌芝味加拿大海膽手卷入口即溶，海膽香味四溢，值得一試。

呢個位於波鞋街既新商場有間極為綠意盎然既清邁風食店，以翠綠花草為題，而且蝶豆花芒果糯米飯，顏色非常吸晴，而且糯米飯煮得軟熟！芒果薄切香甜多汁。呢度仲有好多泰式食物都好正～！

#真材實料！

好抵食！只限星期一至四！