香港人.遊香港

靚到唔捨得食落肚！

小編去酒樓飲茶，都好鐘意食白雲鳳爪，但係整得好既食店實在唔多，除左招牌鳳爪之外，仲有翼尖、雞膝頭。醬汁亦有泰式、麻辣、沙薑選擇。其中小編最推薦沙薑口味，爽口既鳳爪撈埋麻油、沙薑粉，夠哂香口！

呢間新開嘅小店主打招牌即炸巨型魔髀，魔髀呎吋比一般常見嘅大至少兩個碼，雞髀大隻厚肉，連醃味都需要比平時多一倍時間！炮製方面會用猛火迫出雞脾多餘油份，再用慢火炸到金黃色，雞皮炸得非常脆薄，咬開後雞肉充滿肉汁，食落口感好過癮，再加埋新加坡直放嘅咸蛋黃醬，真係食到停唔到口！另外佢哋其他小食都值得一試，其中炸花枝丸新鮮彈牙、椒鹽豆腐爽香惹味！

尖沙咀有商場聯乘點心店，大攪美少女戰士為主題的推廣！商場內將會於7月22日有POP UP Store 和大量打卡位！而打頭陣嘅就係美少女戰士點心，點心上印有多個角色，有月野兔不在話，仲有佢身邊嘅拍檔露娜！點心店一共推岀32款以美少女戰士作造型的特式點心，當中有8款甜點、5款飲品。而鹹點嘅5色鮮蝦餃，除咗有靚靚嘅外皮，而味道都係隻隻唔同添，非常有心思。另外，推介麻辣小籠包，湯頭更是精華所在，入口香麻，不算太辣，超級好食。

小編記得之前去台中小店食過一人一個鍋，香港人一直都好少呢d鋪頭，而家係尖沙咀就食得到！呢度湯底火鍋款式多多，包括招牌竹笙椰子海南雞鍋、麻辣肥牛窩、冬蔭公海鮮窩、忌廉龍蝦湯、韓式泡菜鍋等。除一主材料牛、豬或海鮮外，仲有秀珍菇、花枝丸、娃娃菜、金菇、粟米、鮮茄等，完全唔駛諗食咩！

Victoria’s Secret旗艦店將會喺7月17正式開幕，自2013登港後，Victoria’s Secret一直主要賣香水、護膚用品、化妝袋及小量內褲，今次旗艦店就叫Full Assortment Store，即所有系列都會提供，包括所有著名內衣系列，今次真係 #唔駛飛外國 都可以買到Body by Victoria™、Very Sexy™、Dream Angels™等系列啦！

鍾意食鰻魚嘅朋友留意喇，為慶祝日本鰻魚日，黃埔水產巿場嚟緊有個為期三日嘅鰻魚祭，由師傅即場製作15款鰻魚丼飯或小食，鰻魚肉質細緻、油脂豐富、魚皮帶點焦香，再配上鰻魚汁，見到都流曬口水！其中必食一定係8吋長嘅原條鰻魚壽司喇！除美食市場外，現場還設有日本傳統攤位遊戲，大家可以感受埋日本祭典氣氛！

日本水果一向都出名多汁，而今期最當造一定係白桃，日籍甜品師松岡哲也為大家帶來原個日本桃果撻，白鳳桃嚟自日本山梨縣，大大隻肥嘟嘟，咬落爆哂汁，味道超甜！除咗原個桃撻外，呢度仲有日本白桃卷蛋，海綿蛋糕入口軟熟，配埋幼滑嘅忌廉同白桃肉，口感超正。食得落嘅朋友可以食埋白桃拿破倫！

係元朗group大肆宣傳自己會開鋪既老闆，以爆辣同爆多蟹籽既冷麵打出名堂來，好多元朗人都黎挑戰過，食完都叫媽呀～好辣呀～除左辣到飛起呢個特色之外，店員仲會係冷麵上鋪滿蟹籽，真係大滿足！

觀塘冬菇亭新開咗一間麵檔主打撈麵同米線，價錢非常好大眾化！其中最多朋友推介嘅係$48一碗花膠雞髀米線，湯底用咗新鮮雞每日淆製，夠晒香濃；再加上大大隻雞脾原隻上，啖啖肉好正！花膠就用咗原塊淡水鱸魚花膠，食落都厚實嫩滑，滋味養顏！招牌米線每日限量供應，想食嘅可能要打電話留一留啦！

呢間旺角新開台飲店，主打少女打卡飲料，全部飲品都好夢幻勁吸睛，打卡一流！招牌「少女的夢幻泡泡」係用咗荔枝和玫瑰形成淺粉紅色，用料天然又講究，新店仲標榜所有飲品都係加入自家熬製的紅棗糖，同坊間其他台飲台比較熱量相對低，亦唔會一味死甜。

元朗呢間小店主打台灣特色小吃，兩位老闆特別到宜蘭老字號羅東肉焿學習秘方，共以特許經營方式於香港開店。肉焿係台灣特色小吃，用新鮮豬肉製作，再蘸上薯粉魚漿以高湯煮成焿，口味夠地道，另外滷肉飯都好多朋友推介，半肥瘦豬肉帶住少少油香，配白飯一流！

呢間泰國菜台主打傳統地道泰式船，上年已經獲得米芝蓮推介，人氣一直不減，招牌和牛船麵用上軟腍適中嘅澳洲和牛，湯底跟足傳統嘅方法製作，用上芫荽、玉桂、八角及香茅等大量泰國嘅香料，加上豬皮、豬骨同豬血熬咗成三個鐘，熬出來嘅味道特別深沉濃香，配埋質感彈牙嘅幼身河粉，值得排長龍試！

最近一波又一波嘅台飲店開張，呢間「恰迷」就係台中地區最受歡迎嘅，新店將會開喺荔枝角，招牌Q罩杯($32)有齊珍珠/芋圓/地瓜圓，味道夠晒香，口感煙韌勁Q彈，當然唔少得係黑糖奶霸，同樣有呃like虎紋效果！

銅鑼灣最近開咗間樓上嘅日本過江龍食店，主打鯖魚同吞拿魚嘅，專門店嚟自日本，喺日本有18間分店，鯖魚食譜沿用日本總店出品，肯定夠正宗，必食鯖魚刺身拼盤、鹽燒肥鯖魚，食材每日由日本新鮮運到，其中嘅鯖魚仲係嚟自福井，可以話係日本最高級別嘅鯖魚嚟！

近排一打開FB、IG，就不停見到唔同茶飲店嘅打卡！呢間元朗嘅人氣店就主打奶蓋，除咗有一般嘅海鹽芝士奶蓋之外，仲好創新咁推出咗用果肉打成嘅奶蓋！其中包括菠蘿、芒果等等，新鮮果肉酸酸甜甜嘅味道，同略略帶鹹香嘅芝士奶蓋好夾！最好仲出咗 #限量供應 嘅榴槤芝士四季春，將榴槤打入芝士奶蓋到，味道好濃郁！

由泰國名廚主理

台灣飲品店真係開完一間又一間，最新係黑糖飲品名店「珍煮丹」，小編有好多台灣朋友都特別推介呢間名店，珍珠煙煙韌韌好有口感，比起其他店更加值得一試，預計銅鑼灣新店會喺7月底開張，要試嘅可能又要早少少排定隊啦！

麥當勞去年於馬來西亞推出D24榴槤麥旋風，極受歡迎，一度賣到斷市，今年麥當勞將呢股熱潮引入香港，D24榴槤麥旋風將會限定推出兩星期，如果有朋友鐘意重口味啲，仲可以試埋試濃厚版D24榴槤麥旋風，會有更多榴槤肉！